غريبه هذي الدنيا ....!

غريبه هذي الدنيا كثر ماغربت فيني
أجيها شرق بأحلامي وهي للغرب تقلبها ..

أداوي جرحها بيدي وأنا ماحد يداويني
غصوني للوفا تبني وهي بالليل تعطبها ..

عجزت ألقى بها منفى على زحمة عناويني
تعبت أمشي لها عمري بصبر مايعاتبها ..

أماري لجلها شعري وتشهد لي دواويني
لذيذ النوم جافيته وأبد ماهوب عاجبها ..

ألون ليلها بأحلى من اللي في تلاويني
وأكحل عينها بأغلى عذاباتي وأداعبها ..

لجلها غيرت أسمي وأكذب لجلها عيني
أمثل دور فرحانه وأنافق لجل أناسبها ..

عنيده دنيتي عيت تجيب اللي معنيني
وعيت لاتحيل اللي دروب الموت طالبها ..

أنا من وين ألحق على برد يدفيني
وأنا من وين بأقطف لي ورود ما تحاربها ..!

..
..
..

هناك ... حيث للجنون سياده ..

تسلم وتشكر ع المرور ..

ودي ،،

..