موقف صار لي بمزرعة جدو !!

السلام عليكم بنوتات وشباب ،،

أمس صار لي موقف مع ثنتين من خالاتي وحده كبري ووحده أصغر مني ومع بنات خالاتي ،،
أهل أمي ساكنين بمزرعه وأنواع الوناسة والفله ،،
يوم صارت الساعة ١١ ونصف تمسك معنا نروح نتمشى بالمزرعة !! والمزرعة بالليل تخووووووف بشكل !!!! خصوصا إنه بالليل مافي إلا أنوار بسيطه والأثل بشكله اللي يخوف بالليل !!

فيه بجنب مزرعة جدي مزارع ثانية ومافيها حواجز !! يعني ندخل على المزارع الثانية مافي مشكلة !! وفيه بين المزارع ومزرعة جدي ممر سيارات بس مب مسفلت لا الطريق تراب !! وداخل كل مزرعة ممر وتعالوا شوفوا شكله بالليل !! ماتقدرون تدخلونه لأن الدنيا ظلمه !! والسالفه نخل وأثل يعني لو أحد يتخبى ورى وحدة منهن مادريتوا عنه !!! غير كذا مسكن جن وكذا واحد لامح له جني >>> خخخخخ خفتوا صح ! ترى صدق ماأمزح !!
المهم طلعنا كلنا يالبنات وكان عددنا ثمانية ! أكبرنا عمره ٢٠ وأصغرنا عمره ١٢ ،،
كل وحدة منا لبست جلال ،،
وطلعنا مع الباب الخلفي من البيت عشان ما يلحقوننا البزران ،،

وطول الوقت نركض ( عشان ماأحد ينتبه لهنا عاد يلحقوننا البزران ) لين وصلنا مسجد جدي وكان بعيد شوي عن بيت المزرعة ،،

والله ونلف من جنب المسجد ونمسك طريق السيارت طبعا الطريق تراب ومغبر !! وكنت طول الوقت أتلفت على الممرات اللي بالمزارع وأتخيل أحد بيطلع >> خخخخخ

وكل مامرينا عند ممر تقول بنت خالتي أتخيل ندخل هنا ونغامر >> مسويه قويه وهي أول من هج هع هع هع هع هع هع،،

أبعدنا كثير عن المسجد ووصلنا المزرعة الثالثة وحنا نمشي !! ولفينا لطريق سيارات ثانية !!
وكانت بنت خالتي اللي مسويه قويه بالمقدمه مع أختي وخالتي اللي أصغر من وكانت بنت خالتي تتكلم عن الجغرافيا >> خخخخخ ماله دخل بس بتعلمنا إيش ماخذين بالكلية خخخخخخ ،،

وحنا نمشي حسيت إننا أبعدنا شوي والطريق أظلم شوي يعني لو نمشي كم متر ماراح نشوف بعض من الظلام !!

قلت بنات !! ترانا أبعدنا كثير ! لو يجي أحد ياخذنا والله محد دري عنا !!! يالله نرجع !! ( على فكرة ترى كثير نجي للطريق هذا وكان عادي استهبال ووناسة ومافي خوف !!! بس المره هذي كنت خايفه وقلبي يرقص من الخوف وحتى خالتي تقول مثلي وكل ماأبعدنا شوي زادت دقات قلبي من الخوف خصوصا إنو على اليمين واليسار نخل وأثل بشكل كثيف !! وتخافون تتلفتون من الخوف !! )

تقدمت بنت خالتي اللي تدعدع ومسويه قويه ومايهمني أحد ،، وألتفت لنا وقالت بصوت عالي ليش أنتم ماقريتوا وردكم !! ليش إيمانكم مو قوي !!!

وأبد أول ماسكرت شفايفه عضت الجلال و ماشفنا إلا غباره !! هجت لمزرعة جدي >> خخخخخ طاح القناع خخخخ

وعلطول بدون تفكير ركضنا ركض الله لا يوريكم خخخخخخ

ولا وقفنا إلا عند مسجد جدي والقلوب مسويه فرقة طقاقات من الخوف خخخخخخخخخ

تحسبوننا تبنا !!! لا !! مسكنا طريق ثاني ورحنا لبيت كبير حول مزرعة جدي وطبعا الطريق تراب وبجنبنا شجر أثل تخوف بشكل أكثر من اللي مرينا والتراب اللي نمشي عليه كأننا نمشي على نفود !! يعني الرجلين تغيص فيه شوي !!

مشينا ومشينا ومشينا ولا صار بيننا وبين البيت الكبير إلا مسافة عشر أمتار بس !!
والبيت هذا حسب الأساطير والروايات يقولون عنه مسكون من قبل (........) والكلام هذا صدق ١٠٠ % وماله داعي أقول قصص صارت فيه للسلامة العامة !!

المهم أول ماوقفنا بدت بنت خالتي تدعدع !! تقول والله ياأنتم خوافيييييين !! خخخخخ ماكأنه أول وحدة هجت هع هع

قالت خالتي اللي أصغر مني تدرون بنات أبقولكم شي !! تو وحنا نمشي شفت ظل واحد أبيض !!!! مادرينا إلا يوم جت بنت خالتي اللي تدعدع تضم خالتي الثانية وتقول وراه توك تعلميننا !! كان ماجينا هنا من الأساس !!
سمينا بالله ومشينا وكانت بنت خالتي الصغيرة ماسكة يدي بأقوى ماعنده !! وتقدمنا أنا وياه عن البنات ! وقفت وقالت لا خلينا نمشي جموع عشان مايجينا شي >>> خخخخخ مدري من وين جت جموع هع هع ،،

ومشينا جموع وأول ماوصلنا المسجد حطينا رجولنا وركض لبيت المزرعة !! يوم ألتفتنا وأثر الأرض غبار عقبنا خخخخخخ

أول من دخل أنا وعلطول قالوا وش فيك ليش وجهك كذا !! عاد أنتم تخيلوا وجه واحد مرتاع كيف يكون خخخخخ يخرع خخخخخخ ،،

وصلنا بزمن قياسي لأن بعد ماجلسنا بنصف ساعة جاء أخوي وأخذنا ،، والله لو داري وش مسوين !! كان مايتركنا خخخخخخ

وخلصت السالفة ^_^ ،،

[b] يما منكم انا وبنات عمامي وخوالي بالمزرعه قاعدين يا نلعب كرة سله ولا نطالع تلفزيون ومن الساعه وحده بليل الكل نايم والساعة 6 الصباح الكل قاعد

sweet heart كتب:: [b] يما منكم انا وبنات عمامي وخوالي بالمزرعه قاعدين يا نلعب كرة سله ولا نطالع تلفزيون ومن الساعه وحده بليل الكل نايم والساعة 6 الصباح الكل قاعد

خخخخخخخخخخخخخخخخخخ ,, عادي حنا متعودين على كذا ,,

يسلمووووووووووو على المرور الحلووووووووووو ياحلووووووووة ,, :flower:

» موقف النوم ,,
» لا تحكم على الحياة من موقف أو مظهر واحد !!