اســـئـــلــة انــدورمــيـــدا >>> ان شاء الله صاقط

السؤآل الاول:
المنزل..

أختآر الإجآبه الصحيحه..




/1ترتيبك بعآيلتكم ,,((الكبير _الوسطي_ الصغير ))



ترتيبي الخامسة يعني الوسطية ,,


2/من هو اقرب واحد لك من عآيلتك ,,((أخوكـ _أبوكـ_ أمكـ _أختك))



أخوي الكبير أبو حمد ,, وأمي هي صديقتي وبئر أسراري ,, وأختي الكبيرة أم عبودي ,,


3/ وش تزين وانت قآعد فآضي بالبيت ,,((تآكل_تنآظر التلفزيون_تلعب بلآي ستيشن _ عالنت_ تنآم ))


صراحة مرة أجلس عند شدا أو أروح أنظف بالبيت وهذا غالبا لأني ما أحب أشوف شي وسخ ,,

4/ وانت جوعآن وش تحب تآكل ,,(( مآلح_ حلآ _أي شي بس اهم شي تعبي الكرشه))



أكل أي شي أشتهيه ,,

5/ وش تحب تشرب في البيت ,,((ببسي وطقته_عصير_قهوه وشآي))



أشرب بيرة بربيكان فراولة ,,

6/ وانت تنآظر التلفزيون وش تحب تشوف ,,((شــدا_ _برنآمج _أناشيد))



شــــــــــــــــــــــــــــــــــــــــدا ,,


8/وشو الوقت اللي تحب تنآم بوه اكثر شي ,,((الليـل_بعد الغدآ عالعصر_مآتفرق معك دآيم ودك تنآم))



أكيد بالليل ,,


:
السؤآل الثاني:
الحيآة..

أجب على الأسئله التآليه ,,
1/ حكمه تؤمن بهآ؟


عامل الناس كما تحب أن يعاملوك ,,

2/ لون تحبه مره ؟


الوردي والأحمر والبرتقالي والأصفر والأخضر >> وش بقى !!

3/دوله تقطر سعابيلك ودك تروح لها ؟



ودي أروح لسوريا وماليزيا ,, وأهلي يقولون لا أعرستي >> أخاف أخذ واحد ما يحب يطلع من بريدة هع هع ,,

4/وظيفة تتمنى انك تتوظف فيهآ ؟


الحمد لله الوظيفة هي إني أصير كوافيرة وتحققت الحمند لله ,,

5/ موقف مآتحب تشوفه قدآمك ؟



ما أحب أشوف أحد يصيح قدامي لأنه عادي أمسك خط وأصيح معه ,,

6/صفه تكرهه ومآتحب تكون بأي انسآن تربطك فيه علآقه ؟


الكــــــــــــــــــــــــــــــــــــــذب !!

7/ سيآرتك المفضله ؟


أحب سيارة أخوي أبو حمد اليوكن ,,

8/رسآله على الجوال منتب قآدر تنسآهآ,,قل وشي ؟


رسالة من أخوي أبو حمد يوم زواج أختي وهذا نصه ( لا تروح أختي لين أجي وأسلم عليها ) وكان وقته بالرياض وكل شوي يدق ويقول لا تروح لين أسلم عليها ,, وقته
تأخر ما طلع من الرياض لأن السيارة خربت ولا يدري ليش !! ولا جاء إلا الساعة 10 ونص ,, يعني اول ما جت أختي تلبس عبايته دخل علينا فجأة وطيران يضم أختي لصدره يقول أأشوا لحقت عليك ,, وكان معرق وحالته حاله !! كان مفصل ثوب موديل جديد وقرر يسوي عرضه بس ما كتب الله والحمد لله الحين صارت سواليف

9/مكآن يعجبك كثير وتحب تروح له دآيم ؟


مزرعة جدو محمد ,,

10/منهو الصديق الاقرب لكـ (اسمه وسيره ذآتيه عنه)وقل ليش تحبه؟


حصة العمري ,, أكبر من بسنتين ,, دارسين متوسط وثانوي وجامعة جميع ,, وليش أحبه !! والله يا عليك أسئلة !!


زواجه ثالث العيد دعواتكم له بالتوفيق أبفقده كثيييييييييييييييييييير لأنه بتسكن بالدمام

11/ وشو الطلب اللي مت وانت تطلبه من اهلك ومحد معطيك وجه ؟؟



كل طلباتي مجابه ولله الحمد ,,



:


السؤآل الثالث:
أيآم الدرآسه..

أشرح مآ يأتي,,
1/مدرس منتب قآدر تنسآهـ ابد منهو ؟


أستاذة الكيمياء بثالث ثانوي موضوي العنزي الله لا يحلله

واستاذة الفيزياء إيمان المضيان ياحبيله الله يذكره بالخير ,,
2/موآد درآسيه تحبها؟

مادة الفيزياء والأحياء والفقه ,,

3/مواد دراسية تكرهها؟

الكيمياء والبلاغة والجغرافيا والتاريخ ,,

4/ وين كنت قآعد بفصلك سواء اذا كنت تدرس الحين ولا من قبل؟


آآآآآآآآآآآخر شي عند الجدار وتحت المكيف ,,

5/وش اكثر مرحله دراسيه تحبه مره ؟



ثاني ثانوي ,, أيام الهبال والصرقعة ,,

6/ وشو هو اشين عقآب صآر لك وانت تدرس ؟وفي أي مرحله؟

أشين عقاب بثالث إبتدائي لأني نسيت كتاب القراءة والله وتجي المعلمة وتقبصن ذيك القبصة مع أذني أحسه قطعت أذني من شدته ,, الله لا يحلله من كبرنا كنا بزران ونعاقب


/7 عمرك اخذت شهآدة تقدير او تكرمت بالطابور؟



كثيييييييييييييير بس ما أذكرهن ,,


8/ موقف محرج صارلك بالمدرسه ؟


مانيب قايلة ومهب لازم أنجح لأن الموقف يفشل


9/ سنه كنت فآشل فيهآ درآسيا ؟؟

ولا سنة ,,

10/ سنه كنت دآفور فيهآ ؟؟

الإبتدائي بجميع المراحل وأول ثانوي ,,


11/ اذا انت متخرج من الثآنوي كم كآنت نسبتك وأدبي ولآعلمي؟؟وإذا مو متخرج انت ادبي ولا علمي ؟؟


إيه متخرجة من قسم علمي ومنب معلمتك كم النسبة ,, عناد


:

السؤآل الرآبع:
المنتدى..

آكمل الفرآغآت التآليهـ بالعضو المنآسب..


1/ عضو رهيـــب وخفيف دم ...........


خرفوشة والشوشة منفوشة ,,




2/ عضو يثير اهتمامك .................

.................... سر ,,

3/ عضو تعرفه خارج المنتدى ................


ما أعرف أحد غير كذا المنتدى هذا ما يعجب كل اللي ببالي ,, يبونن أدخل المنتديات اللي مسجلينن به ,, الله يحوم تسبودهم ,,,

4/عضو كآن نشيط وتحس انه صآر ماله خلق ...................

هناك .. حيث للجنون سيادة ,,

4/ عضو ودكـ تدق حنك معه وتشرب شاي وتاكل فصفص.............


البيلسان وخرفوشة واللي كاتبة الموضوع >> عناد منب قايلة أسمه



5/عضو ودك تمطخه ...............


البيلسان ,, و خرفوشة اللي يوم سمعت صوتي تلخبطت الأمور عنده وسكرت الخط



6/عضو تحسه خآرج عن النص دآيم...................


لا يوووووووووووووووجد ,,


:


السؤآل الخآمس :

أكتب تعبيـر عن اندورميدا من وجهة نظرك لآيقل عن ((سطرين))



ساقطة ساقطة ,, منب كاتبة شي عناد بس نشف ريقي